Politika e Privatësisë
Ky njoftim i politikave të privatësisë bëhet në përputhje me Ligjin Nr. 06/L-082 për mbrojtjen e të dhënave personale, me të cilën ju informon se ESH Real Estate mbledh të dhënat tuaja personale vetëm për qëllime të caktuara për të kryer veprimtari për shit/blerje. Ne kemi vendosur masa të sigurisë për të garantuar se të dhënat tuaja janë duke u përpunuar në mënyrë të sigurtë. Ne mund të përditësojmë herë pas here politikën tonë të privatësisë. Për një përditësim të tillë, ne do t’ju njoftojmë për çdo ndryshim duke postuar Politikën e re të privatësisë në këtë faqe. Ju këshillojmë që të rishikoni periodikisht këtë Politikë të Privatësisë për çdo ndryshim dhe ndryshimet në këtë politikë të privatësisë janë efektive kur ato postohen në këtë faqe.

Të dhënat tuaja personale dhe ueb-faqja jonë
Në ueb faqen e ESH Real Estate, ne shpalosim punën tonë duke publikuar shpallje si: Shtëpi, Banesa, Zyre, Lokale, Troje, Depo dhe Objekte. Disa nga shërbimet e ofruara në faqen tonë të internetit kërkojnë përpunimin e të dhënave tuaja personale.

Kategoria e të dhënave që ne i përpunojmë
Ne aktualisht mbledhim dhe përpunojmë të dhëna si: emri i plotë, adresën, numrin e telefonit dhe email. Me rastin e verifikimit të identitetit, ne mund të përpunojm edhe numrin e dokumentit të identifikimit.

Si i përpunojmë të dhënat tuaja dhe për cilin qëllim
Ne përpunojmë të dhënat personale të mbledhura në faqen tonë të internetit për qëllimet e mëposhtme:

• për shërbimet që ne ofrojmë si shit/blerje dhe qira të Shtëpive, Banesave, Zyreve, Lokaleve, Trojeve, Depove dhe Objekteve;
• për t’ju mundësuar që të keni qasje në faqen tonë të internetit.

Ne përdorim vetëm cookie-t të seancave teknike për të zbuluar nëse përdoruesi mbështet JavaScript ose jo, për më shumë lidhur me përdorimin e cookies, ju lutem klikoni në linkun rreth Cookies.

Ne asnjëherë nuk do t’i shpërndajmë të dhënat tuaja personale për qëllime të marketingut të drejtpërdrejtë. Sipas kushteve të përcaktuara nga ligji, ne mund t’ua zbulojmë të dhënat tuaja palëve të treta të cilat janë të autorizuara me ligj specifik nëse është kjo e nevojshme dhe proporcionale për qëllime legjitime dhe specifike. Si rregull, ne nuk i mbajmë të dhënat tuaja personale për më gjatë se sa është e nevojshme për qëllimet për të cilat i kemi mbledhur ato. Ne mund t’i mbajmë të dhënat tuaja personale për një periudhë më të gjatë për qëllime historike ose statistikore me masa mbrojtëse të përshtatshme.

Të drejtat tuaja
Ju keni të drejta të bazuara në Sipas Ligjit për Mbrojtjen e të Dhënave Personale. Kur bëhet fjalë për përpunimin e të dhënave tuaja personale, ju keni të drejta të caktuara të cilat bazohen në këtë ligj. Kur të dhënat tuaja personale përpunohen nga ESH Real Estate, ju keni të drejtë të dini rreth përpunimit të tyre:

• Ju keni të drejtë të keni qasje në të dhënat tuaja dhe në çdo kohë, të kërkoni t’i korrigjoni dhe përditësoni pa vonesë nëse të dhënat tuaja janë të pasakta ose jo të plota;
• Ju keni të drejtë të fshirjes (e drejta për t’u harruar) së të dhënave tuaja dhe mund të kërkoni që përpunimi të ndalohet në rrethana të caktuara;
• Ju keni të drejtë të kundërshtoni, në rrethana të caktuara, për arsye që lidhen me situatën tuaj specifike;
• Ju mund të kërkoni që ndonjë nga ndryshimet e mësipërme t’u komunikohet palëve të tjera, të cilave u janë zbuluar të dhënat tuaja;
• Ju gjithashtu keni të drejtë të mos i nënshtroheni vendimeve të automatizuara;
• Ju keni të drejtë të merrni të dhënat tuaja personale në një format të standardizuar në rast se dëshironi t’i transferoni ato diku tjetër (transferimi i të dhënave).
•Ju keni të drejtë të ankoheni në çdo kohë nëse besoni se të drejtat tuaja për mbrojtjen e të dhënave janë shkelur.